(295 kb) : pri origino kaj celo, ecoj, feriado, ŝlosilvorte, libera esperanto-lernolibro en la angla kaj franca + ligoj. Eldono de Esperanta Naturamikaro.
La estonteco de la biciklokulturo
08/10/2012 00:03
Ekde 2014 urboregiono Eindhoven havos daŭreblan biciklopadon iom simila al ‘greenway’ (verda vojo), direktita al futurece orientata biciklado kiu nomiĝas ‘Slowlane’ (malrapida avenuo) kies karakterizoj estas i.a. jenaj :
- 32 km longa en kolorita asfalto,
- ĉefe ennoviga (energiŝpariga lumigado, informpaneloj ne nur kun destinoj, sed ankaŭ kun elektronika pluvoprediktado),
- dudirekta, kvar metroj larĝa, kreante eblecojn por pli larĝaj veturiloj kiel flow, whike, solarbike (sunbiciklo) kaj velomobilo (legu la pdf-dokumenton en kiu vi trovos pliajn informojn).
- maksimuma rapideco de 30km/h malgraŭ ke vetureblas 50km/h per tiaj futurecaj ‘bicikloj’
- plej eble sendependa trako disde la alia trafiko kaj do sen malsana aero.
- plejeble multe ‘senkonflikta’, ĉar sen vojkruciĝoj kun trafiklumoj kaj do trafiksekura (50% malpli da trafikmortintoj).
Legi pli sub verdaj vojoj en Nederlando.